Qazaqstanǵa ýaqytsha kelgen shetel azamattaryna JSN rásimdeý erejelerine ózgeris engizildi. Ishki ister mınıstri tıisti buıryq shyǵardy, dep habarlaıdy Egemen.kz Almaty boıynsha «Azamattarǵa arnalǵan úkimet» fılıalynyń baspasóz qyzmetine silteme jasap.
JSN alý úshin sheteldik nemese onyń zańdy ókili kelgen jeri boıynsha memlekettik korporasııa nemese veb-portal arqyly ótinishpen kóshi-qon polısııasyna júginýge tıis. Sonymen qatar endi sheteldikter JSN-in túzete alady. Munda da joǵaryda aıtylǵan tártippen, qujattardy qosa usyna otyryp, turǵylyqty jeri boıynsha ótinish beredi. IIM operatory ótinimderdiń durystyǵyn tekserip, JSN qalyptastyrý ne túzetý rásimin júzege asyrady. Memlekettik qyzmet jeke tulǵalarǵa tegin kórsetiledi.
Memlekettik korporasııa arqyly júgingen kezde kelesi qujattardy qosa berý qajet: ótinish; jeke basty kýálandyratyn qujat (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn berý qajet; notarıaldy kýálandyrylǵan senimhat (ókil júgingen kezde).Portal arqyly júgingen kezde:
sheteldik ókiliniń ESQ-men rastalǵan elektrondyq suraý salý;jeke basyn kýálandyratyn qujattyń elektrondyq kóshirmesi (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn berý qajet; ókil júgingen jaǵdaıda notarıaldy kýálandyrylǵan senimhat;Qazaqstan Respýblıkasy sotynyń bas bostandyǵynan aıyrýǵa úkimi boıynsha sottalǵan sheteldikterde, azamattyǵy joq adamdarda jáne rettelmegen mártebesi bar adamdarda jeke basyn kýálandyratyn qujattar bolmaǵan kezde memlekettik qyzmetti alý úshin ótinish negiz bolyp sanalady.JSN túzetý úshin qujattardy memlekettik korporasııa arqyly usyný qajet:
ótinish; jeke basty kýálandyratyn qujat (eger tıisti tarappen nemese QR Úkimetimen kelisimde ózgeshe tártip belgilenbese, jaramdy sheteldik pasport). Eger sheteldiktiń jeke basyn kýálandyratyn qujatta kırıllısada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn qosa berý qajet; ornatý derekterin ózgertý týraly kýálik; ókil júgingen jaǵdaıda notarıaldy kýálandyrylǵan senimhat.