Jeńis Qasymbek «Altyn bulaq» jáne «Baý-baqsha» turǵyn úı kesheniniń úleskerlerimen kezdesti, dep habarlaıdy Egemen.kz.
«Dostar, ózderińiz biletindeı qalada qurylysy uzaqqa sozylǵan 30-dan asa turǵyn úı kesheni bar. Jyldar boıy turǵan kóppáterli turǵyn úı keshenderiniń jaı-kúıi ártúrli. Onyń árqaısysynda baspanasyn kútken jandar bar. Biz atalmysh turǵyn úı keshenderiniń qurylysyn kezeń-kezeńimen aıaqtaımyz. Al úleskerler kópten kútken páterlerine qonystana alady.
Men úleskerlermen únemi kezdesip turamyn. Taǵy eki turǵyn úı kesheniniń úleskerlerimen kezdestim. Olar – «Altyn bulaq» jáne «Sadovye kvartaly» turǵyn úı keshenderi», dep jazdy ákim áleýmettik jelidegi paraqshasynda.
Jalpy úleskerler sany – 700-den astam otbasy. Máselen «Sadovye kvartaly» turǵyn úı kesheni 8 jyl buryn problemaly dep tanylǵan. Bul nysan tapsyrylǵan kezde irgetasy ǵana bolatyn. Qurylys sapasyna erekshe nazar aýdara otyryp, jumys qarqynyn jedeldetý tapsyryldy.
Sol sııaqty «Tumar» turǵyn úı kesheniniń bastamashyl tobymen kezdestim. Qurylysy uzaqqa sozylǵan «Terrıtorııa komforta-1» boıynsha suraqtar qozǵaldy.