Búgin Atyraý oblysynda iri jol apatynan tórt adam qaza taýyp, úsheýi jaraqat aldy, dep habarlaıdy Egemen.kz.
Oblystyq polısııanyń málimetinshe, qaıǵyly oqıǵa Aqtóbe-Atyraý-Astrahan tas jolynyń Maqat - Qyzylqoǵa baǵytyndaǵy 492 shaqyrymynda bolǵan.
Anyqtalǵandaı, «Toyota Ipsum» júrgizýshisi rýldi basqara almaı qalǵan. Ol qarsy jolaqqa shyǵyp ketip, júk kóligimen soqtyǵysqan.
«Jol apaty saldarynan 4 adam qaıtys boldy. Taǵy úsh adam túrli dene jaraqattarymen Maqat aýdandyq aýrýhanasyna jetkizildi», delingen Atyraý oblysy DP baspasóz qyzmeti taratqan habarlamada.