Patrýldik polıseıler kópirden sekirmekshi bolǵan azamatty qutqaryp qaldy, dep habarlaıdy Egemen.kz.
Túngi saǵat 23:30 shamasynda Almaty – Termez tasjolynda júrgen polıseıler kópirden sekirgeli turǵan er adamdy baıqap qalǵan. О́z-ózine qol jumsamaq bolǵan belgisiz adamdy kórgen Túrkistan oblysy patrýldik polısııa batalonynyń qyzmet ınspektorlary Baǵlan Jorauly men О́tkir Melsuly oqıǵa ornyna jedel jetken.
«Qos polıseı tezdetip, joǵary kóterilip, bıikten sekirmek bolǵan orta jas shamasyndaǵy er adamnyń janyna jaqyndaǵan. Osy sátte sol jerdegi turǵynnyń biri kómekke kelip, er adamdy sózge aınaldyryp turdy. Al qos polıseı kópirge ilinip turǵan turǵynnyń eki qolynan tarta otyryp, qaýipsiz jerge shyǵaryp aldy. Tekserý barysynda turǵynnyń sýısıd jasaýyna, masań kúıde bolýy men otbasylyq kıkiljińniń áser etkeni belgili boldy. Sondaı-aq kópbalaly áke teris áreketi úshin ókinip, aldaǵy ýaqytta mundaı jaǵdaıǵa jetkizbeıtinin aıtty», dep jazylǵan Polisia.kz taratqan aqparatta.