5 naýryzda AQSh-tyń Las-Vegas qalasynda aralas jekpe-jekten ótetin UFC 285 týrnırinde qazaqtyń qaısar uly Shavqat Rahmonov óner kórsetedi.
Osy kúnge deıin 16 ret oktagonǵa shyǵyp, barlyq qarsylasyn aıqyn basymdyqpen utqan qandasymyz atalǵan keshte Djeff Nılmen kúsh synasady. 32 jastaǵy AQSh-tyń faıteri 19 kezdesýdiń 15-in óz paıdasyna sheshti. 11 básekeni merziminen buryn aıaqtady. Ol – brazılııalyq djıý-djıtsýdyń has sheberi. О́ziniń sońǵy kezdesýin Nıl byltyr tamyz aıynda Vısente Lýkege qarsy ótkizip, ony úshinshi raýndta nokaýtqa jiberdi.
Las-Vegastaǵy jarystyń negizgi kardyndaǵy básekeler Valentına Shevchenko (Qyrǵyzstan) men Aleksa Grasso (Meksıka), Djalın Terner (AQSh) men Den Hýker (Jańa Zelandııa), Djeımı Pıkett (AQSh) pen Bo Nıkal (AQSh) syndy sportshylar arasynda ótedi.