«Qazgıdromet» RMK 4-6 naýryzǵa arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń aıtýynsha, eldiń basym bóligindegi bultty aýa raıyn Soltústik-batys sıklonymen baılanysty bolatyn belsendi frontaldy bólimder anyqtaıdy. Sıklon batystan shyǵysqa qaraı jyljıdy. Jaýyn-shashyn, qar aralas jańbyr, kóktaıǵaq qubylystary, ekpindi jel, soltústik aımaqtarda burqasyn kútiledi.
Elimizdiń batysynda aýa temperatýrasy túnde 0-10 aıaz, kúndiz 0-11 jyly, ońtústik-batysta túnde 5 aıaz-3 jyly, kúndiz 7-15 jyly, soltústik-batys, soltústikte túnde 5-15 aıazdan 0-8 aıazǵa deıin, kúndiz 0-8 aıazdan 5 aıaz - 3 jylyǵa deıin, ortalyqta jáne shyǵysta 7-20 aıazdan 0-12 aıazǵa deıin, kúndiz 2-12 aıazdan 5 aıaz-5 jylyǵa deıin, ońtústik, ońtústik-shyǵysta túnde negizgi 5 aıaz-2 jyly, kúndiz 5-15 jylydan 15-24 jylyǵa deıin joǵarylaıdy.