Aqtóbe oblysy Shalqar aýdany mańynda oqýshylar jol apatyna ushyrady, dep habarlaıdy Egemen.kz «Dıapazon» saıtyna silteme jasap.
Basylym málimetinshe, oqıǵa 4 naýryzda keshki saǵat 20:55 shamasynda Shalqar-Bazoı tasjolynyń 4-shaqyrymynda bolǵan. 9-synyp oqýshysy Toyota Land Cruiser kóligin tizgindep kele jatyp aýdarylǵan. Oqıǵa saldarynan kámeletke tolmaǵan qyz sol jerde qaıtys bolǵan. Qalǵan tórteýi Shalqar aýdandyq aýrýhanasyna jetkizildi.
Balalar Shalqardyń №8 mektebiniń oqýshylary ekeni aıtylǵan. Alaıda óńirdiń bilim basqarmasy ókilderi áli eshqandaı pikir bildirmegen.