Shavqattyń aıqyn jeńisi

32 jastaǵy Tehas shtaty týmasynyń osy sport túrin serik etkeli 10 jyldan asty. Sol aralyqta Djeff 19 kezdesý ótkizip, 15 ret jeńiske jetti. 11 qarsylasyn esinen tandyrdy. Al Shavqattyń júrip ótken joly jankúıerlerdiń kóz aldynda. 28 jastaǵy qandasymyz 2014 jyldan beri aralas jekpe-jekpen shuǵyldanýda. Sol kezden beri 16 ret oktagonǵa shyǵyp, barlyq básekesin aıqyn basymdyqpen aıaqtady.

Las-Vegastaǵy aıqas óte tartysty ótti. Nıl – judy­ryq­tasýdyń has sheberi. Shavqat ta ashyq aıqasqa barýdan «ket ári» emes. Ekeýi uzaq ýaqyt bo­ıy bir-birin jaqsylap turyp tóm­peshtedi. Bul aıqasta qazaq sportshysynyń basymdyǵy baı­qalǵanymen, AQSh-tyń ókili de judyryǵyn ońdy-soldy siltedi. Úshinshi raýnda Rahmonov aýyr soqqy jiberip aldy. Tipten sol kezde táltirektep te ketti. Biraq ol der kezinde esin jıyp, qarymta shabýylǵa kóshti. Qaıtsem de esemdi qaıtaramyn degen oımen alǵa umtyldy. Bir mezette Shavqattyń aýyr soqqylarynan keıin Djeff eseńgirep qaldy. Qandasymyz sol sátti utymdy paıdalanyp, qarsylasynyń artyna shyqty da, ony qylqyndyryp tastady. Sóıtip, muhıttyń arǵy jaǵalaýynda ótken jarysta Shavqat Rahmonov óziniń kezekti aıqyn jeńisine qol jetkizdi.

Al osy keshtiń basty jekpe-jegi amerıkalyq Djon Djons pen fransııalyq Sırıl Gan arasynda ótti. 35 jastaǵy Nıý-Iorktyń týmasy 28 kezdesýdiń tek bireýinde ǵana utylǵan-dy. Bir aıta keterligi, 2009 jyly Mett Hemılge qarsy báseke barysynda ol erejeni óreskel buzǵany úshin jazalandy, Mine, Djonstyń jalǵyz jeńilisiniń «tarıhy» osyndaı. Jalpy, buǵan deıin jartylaı aýyr salmaqta óner kórsetken Djonsqa UFC-degi kóptegen rekord tıesili. 32 jastaǵy Gan 12 ret aıqas alańy­na shyǵyp, 11 ret jeńis toıyn­ toılady. Segiz saıysty ol nokaýtpen aıaqtady. Osy qos alyp ara­syn­da­ǵy jekpe-jekte atalǵan pro­moýshenniń chem­pıondyq belbeýi sarapqa salyndy. О́kinishike qa­raı, bul jekpe-jek kópshilik kút­kendeı asa tartysty bolmady. Djons birinshi raýnd­ta-aq Gan­dy qyl­qyndyryp tas­tap, asa aýyr sal­maqtyń altyn bel­beýin ıelendi.