Zertteýshi Almasbek Ábsadyq Qostanaıdyń alǵashqy tarıhı topografııalyq kartasyn tapty, dep habarlaıdy Egemen.kz.
Ol 1895 jyly Torǵaı oblysy gýbernatorynyń buıryǵymen qaǵazǵa túsirilgen. Kartada qazirge deıin turǵan eki shirkeý syzylǵan. Al aǵaıyndy Iаýshevtar salǵan meshit beınelenbegen.
Kartadan kirpish zaýytyn, oq-dári qoımasyn jáne kerosın qoımasyn, Ordabaıdyń soltústik jaǵyndaǵy Lores syra qaınatý zaýytyn, ekinshi jaǵyndaǵy mal soıý alańyn, Iver monastyryn, teri ıleý zaýytyn kórýge bolady.
«Ordabaı ataýyn qazirgi qala turǵyndary bile bermeıdi, umytylyp ketken. Karta bizge umytylyp bara jatqan jer-sý ataýlaryn jańǵyrtýǵa múmkindik beredi. Ordabaı ataýy sol kezderde jıi atalǵan. Máselen, Ybyraı Altynsarın 1880 jyly jazǵan hatynda Torǵaıdan Troıske nemese jańa qala Ordabaıǵa kóshsem degen oıdamyn dep jazady», deıdi zertteýshi Almasbek Ábsadyq.
Tarıhı karta Qostanaı oblysynyń ólketaný murajaıyna tapsyryldy.