Sábıt Ahmetov «Áleýmettik medısınalyq saqtandyrý qory» KEAQ Basqarma tóraǵasy bolyp taǵaıyndaldy, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.
Sábıt Ahmetov 1979 jyly 22 qańtarda dúnıege keldi. 2000 jyly Q.A.Iаsaýı atyndaǵy Halyqaralyq qazaq-túrik ýnıversıtetin bitirip, zańger mamandyǵyn ıgerdi.
2021 jyly «International Master in Public Procurement Management» baǵdarlamasy boıynsha Tor Vergata Rım ýnıversıtetiniń magıstratýrasyn aıaqtady.
S.Ahmetov ár jyldary QR Ádilet mınıstrligi Zańnama departamenti basqarmasynyń basshysy, Zań qyzmeti departamentiniń dırektory, QR Básekelestikti qorǵaý agenttiginiń kvazımemlekettik sektor jáne tutynýshylardyń quqyqtaryn qorǵaý Departamentiniń jáne QR tutynýshylardyń quqyqtaryn qorǵaý agenttiginiń Ishki ákimshilik departamentiniń basshysy, sondaı-aq QR Qarjy mınıstrliginiń Memlekettik satyp alý jáne kvazımemlekettik sektordyń satyp alý zańnamasy departamentiniń dırektory qyzmetterin atqardy.
ÁMSQ ujymyna jańa basshyny QR Densaýlyq saqtaý birinshi vıse-mınıstri Tımýr Sultanǵazıev tanystyrdy. Ol qazirgi ýaqytta Qor basshysynyń aldynda áleýmettik medısınalyq saqtandyrý júıesin odan ári jetildirý mindeti turǵanyn atap ótti.