Eń baı adamdar tiziminde kósh bastap turǵan kásipker óziniń jeke qalasyn salýdy josparlap otyr, dep habarlaıdy Egemen.kz.
Ilon Mask qala qurlysyn bastaý úshin Tehastan birneshe jer satyp alyp úlgerdi. Ol SpaceX Musk jáne Boring Company nysandary ornalasqan Ostın eldi mekenin tańdaǵan. Al qala mártebesin alý úshin onda keminde 201 turaqty turǵyn bolýy kerek. Osydan keıin qala barlyq kartaǵa engizilip jáne poshta derekteri taǵaıyndalady. Qalaǵa Sneılbrýk ataýy beriledi. Snaile aǵylshyn tilinen ulý dep aýdarylady. Bul ataý kezdeısoq tańdalmaǵan.
Bul Masktyń iskerlik pozısııasyn kórsetedi. Ol kez kelgen prosesterdiń, sonyń ishinde dál osy qala qurylysynyń jyldamdyǵyn arttyrýdy kózdep otyr. Ári ulýlarǵa qaraǵanda jyldamyraq jumys isteıtin tehnıkany tabý kerek deıdi.
Mask qalanyń alǵashqy turǵyndary ózine tıesili kompanııalardyń qyzmetkerleri bolatynyn málimdedi. Olar úshin qaladaǵy qyzmetterdi paıdalanýda jeńildik qarastyrylyp, jaqsy jaǵdaı jasaý josparlanýda.
Sondaı-aq Sneılbrýktyń saıası jáne ákimshilik júıesi memlekettik júıege saı bolady. Qala merin saılaý ádettegi erejeler boıynsha ótedi.