Ishki ister mınıstri nashaqorlardy anyqtaý úshin skrınıng engizý qajet ekenin málimdedi, dep habarlaıdy Egemen.kz.
«О́kinishke qaraı, búginde stýdentter arasynda esirtki qoldaný derekteri anyqtalyp jatyr, osyǵan oraı aldaǵy ýaqytta skrınıng júıesin engizý josparlanyp otyr», dedi IIM basshysy.
Mınıstrdiń aıtýynsha, skrınıng jaǵdaıdy obektıvti baǵalaýǵa múmkindik beredi jáne esirtkige táýeldi azamattardy, ásirese jasóspirimder arasynda erte kezeńde anyqtaýǵa múmkindik beredi. Bul rette bıomaterıaldar jumysqa ornalasý kezinde, memlekettik qyzmette, júrgizýshi kýáligin alý kezinde tekseriledi.
«Búginde sıntetıkalyq preparattar ashyq tarap júr. Bir dozasy 10 myń teńge turady. Olar ınternet arqyly satylady. Ǵylymı saraptama kórsetkendeı, esirtki qoldanýdyń erte satysynda atalmysh zattardy qoldanyp kórgen adamdardyń 95 paıyzyn qalypty jaǵdaıǵa qaıtarýǵa bolady. Úshinshi kezeńde tek 15 paıyzy ǵana qalypty ómirge orala alady», dedi Ahmetjanov.
Ishki ister mınıstrliginiń basshysy mektepterde esirtki túrleriniń kóbeıgenin málimdedi. «Muny jasyrmaımyz. Búginde senimdi esep joq. Bıomaterıaldardy kásibı saraptamadan ótkizýdi usynamyn. Bul Densaýlyq saqtaý mınıstrliginiń usynysy, biraq biz de ony qoldaımyz. Oqý oryndaryna túskende, jumysqa, memlekettik qyzmetke, áskerı qyzmetke ornalasý kezinde jastardy skrınıngten ótkizý qajet», dedi Marat Ahmetjanov.Ol bıomaterıaldardan esirtkini anyqtaýda qylmystyq jáne ákimshilik jaýapkershilik bolmaıtynyn qadap aıtty. Barlyq aqparat balalardyń ata-analaryna jiberiledi.