Kolledj stýdentteri SMS habarlama arqyly áskerı boryshyn óteý merzimin keıinge shegerte alady, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
Memlekettik qyzmetterdi sıfrlandyrý jáne avtomattandyrý departamentiniń málimdeýinshe, QR Oqý-aǵartý mınıstrligi men memlekettik organdardyń aqparattyq júıelerin ıntegrasııalaý nátıjesinde 2023 jylǵy naýryz aıynan bastap kolledj stýdentterine proaktıvti formatta SMS joldana bastaıdy.
«Kúndizgi oqý nysanyndaǵy kolledj stýdentterine áskerı qyzmetke shaqyrýdy keıinge qaldyrý oqý aıaqtalǵanǵa deıin beriledi. Ol Oqý-aǵartý mınıstrliginiń Ulttyq jalpy bilim berý derekter bazasynan rastalady jáne sonyń negizinde SMS arqyly keıinge qaldyrý nemese áskerden bosatý ruqsaty beriledi», dedi Memlekettik qyzmetterdi sıfrlandyrý jáne avtomattandyrý departamentiniń dırektory Azat Tıshtybaev.