Bári de óz isiniń úzdigi atanǵysy keledi. Bul úshin aldymen tájirıbe jınaý qajettigi daýsyz. О́ıtkeni áriptesterdiń arasynan oq boıy ozyp shyǵý ońaı emes.
Degenmen qazaq tili jáne ádebıet páninen dáris beretin Aıajan Ǵanıdi úzdik ustazdardyń qataryna qosýǵa bolady. О́ıtkeni ózge etnos jastaryna memlekettik tildi tereńdete oqytýǵa atsalysyp júr. Muny ol óziniń perzenttik boryshy sanaıdy.
– Týǵan jerim – Qyzylqoǵa aýdanyndaǵy Jasqaırat aýyly. Úlken shahardan shalǵaıda ornalasqanymen, bizdiń aýylda ulttyq qundylyqtardy urpaǵynyń sanasyna sińirýdi oılaǵan ónegeli otbasylar turady. Basqasha aıtqanda, kindik qanym tamǵan aýylymdy qazaqylyqtyń qaımaǵy buzylmaǵan ortasy deı alamyn. Sol sebepten bolar aýylymdy árkez saǵynyp júremin, – deıdi ol.
Onyń ana tilin ardaqtaýǵa degen qulshynysy bala kezinen oıanǵan. Mektepte oqyp júrip, aýdandyq, oblystyq pán olıpıadalaryna, túrli baıqaýlarǵa qatysyp, jeńimpaz atanǵan. Sol jetistigin jalǵastyrý úshin joǵary bilim aldy. Qazir Atyraý qalasyndaǵy №30 mektep-gımnazııada qazaq tili men ádebıet páninen sabaq beredi.
– Ustaz retinde alǵa qoıǵan maqsatym – ózindik oı-pikirin erkin jetkize alatyn, memlekettik tildi ardaqtaıtyn, bilimdi shákirt tárbıeleý. Shákirttiń bári birdeı bir pándi oqýǵa yntaly bolmaýy múmkin. Sol sebepten ár oqýshynyń pánge degen qyzyǵýshylyǵyn oıatý qajet, – deıdi jas ustaz.
Jas ustaz deıtinimiz, onyń eńbek joly bastalǵanyna áli bes jyl tola qoıǵan joq. Soǵan qaramastan, pedagogıkalyq jetistigi az emes. Máselen, ótken jyly «Myń bala» mádenı-aǵartýshylyq baıqaýynyń oblystyq kezeńine qatysyp, birinshi oryndy ıelendi. Ol bul baıqaýǵa «Qazaq tili sabaǵynda deńgeılep-saralap oqytý tehnologııasyn qoldaný» baǵdarlamasyn usynǵan edi.
– «Myń bala» jobasynda úzdik atanǵan pedagogterdiń «Qazaq tili sabaǵynda deńgeılep-saralap oqytý tehnologııasyn qoldaný» avtorlyq baǵdarlamasy negizinde úsh nusqaýlyq kitap daıyndaldy. Onyń biri – avtorlyq baǵdarlamanyń mazmuny, ekinshisi – muǵalimge arnalǵan nusqaýlyq, al úshinshisi – oqýshynyń jumys dápteri nemese deńgeılik tapsyrmalar. Bul jobada jańartylǵan baǵdarlama negizinde dıagnostıkalyq taldaýlar júrgizip, arnaıy qurastyrylǵan tapsyrmalar kómegimen oqýshylardyń qazaq tili men ádebıeti páninen saýattylyq deńgeıin arttyrý kózdelip otyr. Mundaı jańashyl tájirıbe deńgeılep-saralap oqytý tehnologııasyn qoldaný arqyly oqýshylardyń qazaq tiline degen qyzyǵýshylyǵyn, meńgerý turǵysyndaǵy belsendiligin arttyrýǵa jol ashady, – deıdi A.Ǵanı.
Jańashyl ustaz biliktiligin arttyrý úshin túrli baıqaýlarǵa qatysyp júr. Máselen, 2021 jyly «Bilim orkenieti» ulttyq ınnovasııalyq ǵylymı-zertteý ortalyǵy ótkizgen respýblıkalyq «Úzdik jas maman – 2021» baıqaýynda birinshi júldege ıe bolǵan. Al «Ana tildiń aıbyny» degen respýblıkalyq baıqaýda da baǵy janyp, birinshi júldeni ıelendi. Sondaı-aq «HHI ǵasyr kóshbasshysy» halyqaralyq bilim ınnovasııalyq ortalyǵynyń uıymdastyrǵan «Ulaǵatty ustaz» atty I halyqaralyq muǵalimder saıysyna da qatysty. Qashyqtan ótkizilgen baıqaýda shyǵarmashylyq jańashyldyǵy bar jas ustazdyń talpynysy «Úzdik qazaq tili men ádebıeti páni muǵalimi – 2021» atalymynyń úshinshi júldesimen atalyp ótti. Byltyr Atyraý qalalyq «Úzdik synyp jetekshisi» baıqaýynda ekinshi orynǵa turaqtady.
Ana tilin ardaqtaýdy kúndelikti mindetine aınaldyrǵan jas ustaz uly oıshyl Abaıdyń ulaǵatty tálimin dárisine jıi qoldanady. Tipti «QAZAN.Info» saıty Abaı Qunanbaıulynyń 175 jyldyǵyna oraı «Uly dalanyń uly tulǵasy – Abaı» jáne Ábý Nasyr ál-Farabıdiń 1150 jyldyǵyna arnalǵan respýblıkalyq olımpıadasynan birinshi júldesine ıe boldy. Bul jas ustazdyń shyńdala túskenin baıqatady.
– Oqýshylarymnyń bári derlik bilimdi bolǵanyn qalaımyn. Sol sebepten ár dárisimdi «Qazaq tili sabaǵynda deńgeılep-saralap oqytý tehnologııasyn qoldaný» baǵdarlamasymen ótkizemin. Baǵdarlamada oqýshylardyń jas ereksheligine oraı oılaý dárejesin, belsendiligin arttyrýǵa, shyǵarmashylyq qabiletin damytýǵa mol múmkindik berilip otyr. Negizgi qural – deńgeılep-saralap oqytýǵa negizdelgen oqýshylarǵa arnalǵan tapsyrmalar. Bul arqyly oqýshylardyń ár sabaqta alǵan teorııalyq bilimin deńgeılik tapsyrmalardy oryndaý arqyly taldaýǵa bolady, – dep túsindirdi ol.
Atyraý oblysy