Aqtaý qalasyndaǵy №8 orta mektep ǵımaratynda ornalasqan №18 saılaý ýchaskesinde «Aq jol» demokratııalyq partııasy atynan saılaý úderisine baqylaýshy retinde Darıǵa Nazarova qatysyp jatyr. Onyń aıtýynsha, ataýly kúni tań qylań bere saılaý ýchaskelerine óz tańdaýyn jasaýǵa bettegen halyq qarasy kórine bastady. Ýaqyt óte daýys berýshiler qatary da arta túsken, dep habarlaıdy Egemen.kz.
«Tańǵy saǵat 7-den beri daýys berý barysyn baqylap otyrmyn. Eshqandaı zań buzýshylyq oryn alǵan joq. Azamattar konstıtýsııalyq quqyǵyn paıdalanyp, óz tańdaýyn jasap jatyr. Komıssııa músheleri sypaıy ári mádenıetti túrde óz mindetterin atqarýda», dedi Darıǵa Nazarova.
Darıǵa Nazarova saılaý úderisinde baqylaýshynyń basty mindeti beıtarap bolý ekendigin aıtady.
«Baqylaýshylar úshin bir partııanyń jeńip, jeńilgeni emes, saılaýdyń ashyq ári ádil ótýi mańyzdy. Biz saılaýshylardyń daýysyn qorǵaımyz», dedi Darıǵa Nazarova.