ASTANA. 27 maýsym. Elorda kúni, ıaǵnı, 6 shildede qala turǵyndary men qonaqtary úshin «Shapaǵat» kommýnaldyq bazarynyń aýmaǵynda «Shyǵys bazary» qyzmet kórsetedi. Bul týraly astana.kz habarlady.
Habarlamada jazylǵandaı, bul qazirgi tańdaǵy bazarlardaı emes, munda halyqtyq dástúr molynan kórinis tappaq. Ásirese, túrli dámdeýishter qosylǵan taǵamdar, dúkenshilerdiń óz taýaryn kórýge shaqyrǵan aıqaıy jáne taǵy basqa da jaǵdaıattar erekshe ahýal qalyptastyrmaq.
Budan bólek, «Shyǵys bazarynda» túrli sándik buıymdar, kıim-keshek pen aksessýarlar, azyq-túlik pen kitap, kilem, úı jıhazdary satylymǵa shyǵarylady.
Atalǵan bazar saǵat 09.00-den 19.00-ge deıin jumys isteıdi.
Joldybaı Bazar.
Derekkóz: astana.kz.
Foto: astana.kz.