UFC 286 týrnıriniń qorytyndysy boıynsha ótken baspasóz máslıhaty barysynda álemniń jetekshi MMA lıgasynyń prezıdenti Dana Ýaıt qazaqstandyq jartylaı aýyr salmaqtaǵy Shavkat Rahmonovtyń kelesi qarsylasynyń esimin jarııalady, dep habarlaıdy Egemen.kz Prosports.kz-ke silteme jasap.
Dana Ýaıttan jýrnalıst «Belal Muhammed úshin kelesi jekpe-jek qandaı?» dep surady. UFC basshysy bolsa: «Rahmonov. Biz jekpe-jek jóninde jumys istep jatyrmyz» dep jaýap berdi.
34 jastaǵy Belal Muhammad 2022 jyldyń 22 qazanynda Abý-Dabıde ótken UFC 280 týrnırinde taǵy bir amerıkalyq Shon Bredıdi ekinshi raýndta tehnıkalyq nokaýtpen jeńgen edi. Al Shavkat Rahmonov óziniń keıingi jekpe-jeginde amerıkalyq Djeff Nıldi úshinshi raýndta jeńgen bolatyn.