Daýys berýge asyqty

Oblystyq aýmaqtyq saılaý komıssııasynyń tóraǵasy Azamat Aımanakýmovtyń málimetinshe, 412 165 saılaýshy tirkelgen 296 saılaý ýchaskesi daýys berdi. О́ńirdegi 9 aýrýhanada, áskerı bólim men ýaqytsha ustaý ızolıatorynda 11 jabyq saılaý ýchaskesi ashylǵan. Daýys berý úderisin Eýropadaǵy qaýipsizdik pen yntymaqtastyq jónindegi uıym­nyń 14 halyqaralyq baı­qaýshysy baqylady.

Tańmen talasas turyp, saılaý ýchaskesine asyqqan Dúısáli Qal­dybaı Jylyoı aýdanynyń orta­lyǵy – Qulsary qalasynda turady. Qos janary kórmegenimen, ómirge qush­tarlyǵyn joımaǵan. Únemi belsendi bol­yp júredi. Túrli saıystarǵa qa­ty­syp, kór­kemsóz oqýdyń sheberi atan­ǵan zaǵıp jan bul saılaýda da bel­sen­­diligin tanytty. Sóıtip, ol Qulsary qalasyndaǵy №97 saılaý ýchaskesine alǵashqy bolyp daýys berdi. Ony saılaý ýchaskesine uly alyp kelgen.

Al Atyraý qalasynyń turǵy­ny Mar­jan Sultanova – birinshi top múge­degi. Biraq ol da saılaý bıýlle­tenin úıine aldyrmaı, №38 saılaý ýchas­ke­sine ózi keldi. «Ár saılaýǵa min­det­ti túrde qatysyp júrmin. Mu­ny ózimniń azamattyq boryshym dep esepteımin. Bul saılaýdan kútetin úmitim mol. Sol sebepten, jańa bastamalary bar adal kandıdattardy qoldaý úshin daýys berdim», deıdi ol.

Qurmanǵazy aýdanyndaǵy Teńiz aýyldyq okrýginde ornalasqan №177 saılaý ýchaskesi saılaý komıssııasynyń tóraǵasy Dáýlet Qaýmenovtiń málimetinshe, munda 1 114 saılaýshy tirkelgen. Onyń ishinde múmkindigi shektelgen 2 saılaýshy bar. Al 16 adam úıden daýys berýge ótinish túsirgen. 

Daýysty óz úıinde bergen­derdiń qatarynda ardager Ekaterına Absa­tyrova da bar.

«Meniń balalyq shaǵym soǵys jyldarymen tuspa-tus keldi. Otbasymyzben konslager tut­qyny boldyq. Tutqyndaǵy úsh jylda kórgen qorlyǵym áli de túsime enedi. Qıyndyqty jeńýge tyrystyq. Búgingi beıbit ómirdiń shyrqy buzylmasa eken dep tileımin. Soǵys órti tutanbasyn, jas urpaq joǵary bilim alyp, baqýatty ómir súrse eken», deıdi E.Absatyrova.

Atyraý oblysy