Aqparat jáne qoǵamdyq damý mınıstri Naýryz merekesine oraı quttyqtaý joldady, dep habarlaıdy Egemen.kz.
«Qadirli dostar, qymbatty baýyrlar!
Aqtyń molaıatyn, jaryqtyń uzaratyn, tirshiliktiń jańaratyn, peıildiń túzeletin, kóńildiń keńeıetin, kún men túnniń teńeletin, barsha jurttyń jaqsylyqqa keneletin kezeńi – Ulystyń uly kúni qutty bolsyn!
Bereke men birliktiń, eldik pen erkindiktiń rámizi ispetti Áz-Naýryz qutty bolsyn! Ulys oń bolsyn, aq mol bolsyn!
Tabaldyryǵymyzdan attaǵan Qoıan jyly yrys pen yntymaqtyń, meıirim men molshylyqtyń jyly bolsyn!
Oshaǵymyz ottan, azamatymyz attan túspesin! Tóńiregińiz túgel, tórt qubylańyz saı bolsyn! Jyl jaqsylyǵymen kelsin!», dep jazdy ol quttyqtaýynda.