Teatr jáne kıno akteri, «О́ner barysy» týrnıriniń úsh márte jeńimpazy Asylhan Tólepovtyń uıymdastyrýymen 28 naýryz kúni Astana qalasyndaǵy Jaqsylyq Úshkempirov atyndaǵy jekpe-jek saraıynda «Teatr barysy» respýblıkalyq týrnıri ótedi, dep habarlaıdy Egemen.kz QazAqparat agenttigine silteme jasap.
Týrnırge qatysýǵa respýblıka óńirlerinen 48 akter tirkelgen. Týrnırdiń maqsaty – Qazaqstannyń teatrlarynda ulttyq sportty damytyp, qazaq kúresin keńinen dáripteý, sondaı-aq teatr keńistigindegi akterlerdiń óner men sporttaǵy shyǵarmashylyq ári áriptestik baılanysyn nyǵaıtý.
Týrnırdiń ótetin orny: Jaqsylyq Úshkempirov atyndaǵy jekpe-jek saraıy. Ýaqyty: 28 naýryz, saǵat 16:00.