Dzıýdodan Grýzııanyń bas shahary – Tbılısıde ótken «Grand Slam» týrnıri óz máresine jetti.
Jarystyń sońǵy kúni taǵy birneshe balýanymyz tatamıge shyqty. Biraq olardyń eshqaısysynyń joly bolmady. 90 kg salmaqtaǵy Aıdar Arapov alǵashqy aınalymda ızraıldik Lı Kohmanǵa jol berse, Dıdar Hamza ekinshi kezeńde grekııalyq Teodoros Selıdısten jeńildi. 100 kılolyq Bekarys Sádýaqas tusaýkeser kezdesýinde mońǵolııalyq Gonshıgsýren Bathýıagke ese jiberse, Nurlybek Sharhan qola medal úshin tartysta kanadalyq Shadı Elnahastyń osal tusyn taba almaı, besinshi orynda qalyp qoıdy. Sol sekildi asa aýyr salmaqta kúsh synasqan Ǵalymjan Qyryqbaı men Jambyl Turǵynalıev (+ 100 kg) jáne Kámıla Berliqash pen Aqerke Ramazanova da (+78 kg) el senimin aqtaı almady.
Sóıtip, Tbılısıdegi týrnırdiń sońǵy kúni júldesiz qaldyq. Al oǵan deıin Abylaıhan Jubanazar (81 kg) kúmis alsa, Maǵjan Shamshıddın (60 kg) men Ábıba Ábýjaqynova (48 kg) qolaǵa qol sozǵan edi.