Endi ataýly áleýmettik kómekti HQKO-larǵa qujat tapsyrmaı-aq ala berýge bolady. AÁK alýshylarǵa eGov.kz saıtynan SMS habarlama jiberiledi, dep habarlaıdy Egemen.kz.
Atalmysh kómekti memlekettik derekter bazasynda qamtylǵan AÁK krıterıılerine sáıkes keletin azamattar alady. Bul bylaı jumys isteıdi:
1) ataýly áleýmettik kómek alýǵa muqtaj – AÁK alýshyǵa 1414 nómirinen avtomatty túrde habarlama keledi;
2) AÁK alýshy óziniń IBAN shotyn kórsete otyryp, sol habarlamaǵa jaýap retinde óziniń kelisimin jiberedi;
3) jaýapty alǵannan keıin eGov.kz «elektrondyq úkimet» portaly járdemaqy taǵaıyndaý úshin alýshy týraly málimetterdi QR Eńbek jáne áleýmettik qorǵaý mınıstrligine jiberedi.
Habarlamalardy mobıldi azamattar bazasynda (MAB) tirkelgen azamattar ǵana alatynyn atap ótý mańyzdy.
«Azamattarǵa endi Halyqqa qyzmet kórsetý ortalyqtaryna barýdyń qajeti joq, tipti onlaın rejıminde eGov.kz arqyly ótinish berýdiń keregi bolmaıdy. Invisible Government tujyrymdamasy sheńberinde biz azamattardyń memlekettik organdarmen baılanysý qajettiligin barynsha azaıtamyz. Sonymen, 2022 jylǵy 1 qyrkúıekten bastap 57 myń adam memleketten járdemaqy alý úshin 1414 nómirinen SMS-habarlama aldy», dep atap ótti «Ulttyq aqparattyq tehnologııalar» AQ Basqarma Tóraǵasy Rostıslav Konıashkın.
Sondaı-aq AÁK alýǵa ótinimdi eGov.kz portaly arqyly jáne eGov Mobile mbıldi qosymshasy arqyly berýge bolady.