AQSh-tyń Maıamı qalasynda ótip jatqan WTA 1000 týrnırinde qazaqstandyq tennısshi Elena Rybakına jartylaı fınalǵa joldama aldy.
Shırek fınalda ol ıtalııalyq Martına Trevızıanmen sheberlik baıqasty. Bul kúnderi álemdik reıtıngte 24-orynda turǵan 29 jastaǵy Florensııa týmasynyń eń zor tabysy – byltyr Rolan Garrostyń jartylaı fınalyna deıin jetýi. Odan basqa baǵyndyrǵan pálendeı belesteri joq. Soǵan qaramastan Maıamıde ol japonııalyq Nao Hıbıno, amerıkalyq Kleı Lıý jáne estonııalyq Elena Ostapenkony jeńip, óziniń myqtylyǵyn dáleldedi. Desek te bul mejede Trevezıan Rybakınaǵa laıyqty qarsylyq kórsete almady. Apennın túbegi ókilin 6:3, 6:0 esebimen oısyrata utqan jerlesimiz jartylaı fınalǵa shyqty.
Sóıtip, WTA týrnırlerinde qatarynan 12 ret jeńiske jetken Elena Rybakına óziniń rekordyn jańartty. Endi ol jartylaı fınalda amerıkalyq Djessıka Pegýlamen kúsh synasady.