«Qazgıdromet» RMK baspasóz qyzmeti sáýirdiń 2-sine arnalǵan aýa raıy boljamyn jarııalady, dep habarlaıdy Egemen.kz.
«Qazgıdromet» málimetterine qaraǵanda, búgin elimizdiń basym aýmaǵy antısıklon jyrasynyń yqpalynda bolady. Kún ashyq bolady. Tek eldiń batysyna, ońtústigine jáne ońtústik-shyǵysyna sıklon jyrasy áser etip, onymen baılanysty frontaldy bólikterdiń ótýimen jańbyr jaýady, ońtústiginde naızaǵaı bolady.
Respýblıka boıynsha elimizdiń ońtústiginde, ońtústik-batysynda óte qatty jel soǵyp, ońtústiginde - shańdy daýyl turady, ońtústik-shyǵysynda tuman túsedi.
Jetisý oblysynda, Túrkistan, Jambyl oblystarynda jeldiń ekpini 30 m/s deıin jetedi.
Túnde Almaty oblysynda 1-6 gradýs, Jetisý oblysynda 2-7 gradýs, Túrkistan oblysynyń soltústiginde, taýly aýdandarynda 2 gradýs úsik júredi.