Almaty oblysy polısııa departamentiniń burynǵy basshysy Serik Kúdebaev 2023 jyldyń 3 sáýirindegi sotqa kelmedi, dep habarlaıdy Egemen.kz.
Osyǵan baılanysty Serik Kúdebaevqa halyqaralyq izdeý jarııalandy.
2022 jyldyń 13 mamyrynda Serik Kúdebaev qańtar oqıǵasy boıynsha kúdikti dep tanylǵan edi. Bas prokýratýranyń habarlaýynsha, Almaty oblysy PD burynǵy basshysyna «aýyr zardaptarǵa ákep soqqan qyzmettegi áreketsizdik» degen aıyp taǵyldy.
28 aqpanda prokýror Almaty oblystyq polısııasynyń burynǵy basshysy Serik Kúdebaevty 9 jylǵa bas bostandyǵynan aıyrýdy suraǵan.
Serik Kúdebaev 2020 jyldyń qańtarynan beri Almaty oblysynyń polısııa departamentiniń bastyǵy qyzmetin atqardy. 2022 jyldyń 18 aqpanynda ishki ister organdarynan óz erkimen bosatylǵan.