Tarazda 2005 jyly týǵan jas fýtbolshylar arasynda «Arman» respýblıkalyq balalar men jasóspirimder týrnıri aıaqtaldy.
Altyn medal úshin ótken kezdesýde «Aqtóbe» men «Ordabasy» jastar komandalary kezdesti. Negizgi ýaqyt 1:1 esebimen teń aıaqtalǵan soń, match jeńimpazy penaltı serııasynda anyqtaldy. Bul synda shymkenttik jastardyń baǵy janǵan bolatyn, alaıda týrnırdiń tóreshilik-sarapshylyq komıssııasy penaltı serııasy barysynda tóreshiler tarapynan qatelik bolǵanyn aıtyp, eki komandany jeńimpaz dep tapty.
Osyǵan baılanysty Qazaqstan fýtbol federasııasy «Arman» týrnıriniń eki fınalısin de jeńimpaz dep taný týraly sheshim qabyldady. Sóıtip, «Ordabasymen» birge «Aqtóbe» komandasynyń fýtbolshylary da kýbok, altyn medal jáne dıplomdarmen marapattaldy.