Ushaq tutastaı janyp ketkende de bul adam 800 metr bıiktikten sekirip aman qalǵan, dep habarlaıdy Egemen.kz.
Álemdegi eń joly bolǵysh adamnyń esimi Horvat Frane Selak. Bulaı dep aıtýymyzdyń birneshe sebebi bar.
Frane Selak alǵash ret 28 jasynda ólimmen betpe-bet kelgen. 1957 jyly ol mingen avtobýs joldan shyǵyp, ózenge qulaǵan. Sedak pen júrgizýshi shyǵyp úlgerip, jaǵaǵa deıin júzip barǵan.
Apat 1962 jyly Saraevodan Dýbrovnıkke poıyzben sapar shegý kezinde de qaıtalandy. Tas relsterge qulap, poıyz relsten shyǵyp, qatyp jatqan Neretva ózenine qulaǵan. Selak kýpeniń terezesin syndyryp, vagonnan shyǵyp, onymen birge kele jatqan tanysynyń ómirin de qutqaryp qalǵan.
1963 jyly Selak naýqas anasynyń jaǵdaıyn bilý úshin ushaqqa Zagrebten Rıekaǵa charterlik reıske otyrady. Reıste oryn bolmaıdy, alaıda ol óziniń otbasylyq jaǵdaıymen ketip bara jatqandyǵyn túsindirip ekıpajdy ózin birge alyp ketýge kóndiredi. Ol ushaqtyń artqy jaǵynda Rozıka esimdi stıýardessanyń janyna jaıǵasady.
Áýejaıdan alys emes jerde ushaq tehnıkalyq aqaýlyǵyna baılanysty, bıiktigin joǵaltyp tasqa soǵylady. Qulaǵanǵa deıin ushaqtyń esigi ashylyp ketip, Selak pen Rozıka 800 metr bıiktikten jerge qulap aman qalady. Biraq qalǵan ekıpaj músheleri qaza boldy.
1970 jyly Selak kóligimen kele jatyp, kóligi aıaq astynan órtene bastaǵan. Ol jalyn janarmaı bagyna jetkenge deıin birneshe sekýnd buryn kólikten shyǵyp, qaýipsiz qashyqtyqqa jetip úlgergen.
1995 jyly avtobýs qaǵyp ketip, tek jeńil jaraqatpen qutylǵan.
1996 jyly kóligimen jardan qulap, kóliginen sekirip shyǵyp úlgergen.
2003 jyly Selak lotoreıalyq bıletterdi satyp alyp, 600 000 fýnt utyp alǵan. Bul qarajatqa úı men saıajaı satyp alyp, jaqyndaryna 25 avtokólik syılap, qarjylaı kómektesken.
Frane Selak 2016 jyly 86 jasynda ómirden ótken.