Polısııa áleýmettik jelide taraǵan beınejazbadaǵy kópirden sekirip ketken adamdy anyqtady, dep habarlaıdy Egemen.kz Polisia.kz saıtyna silteme jasap.
Áleýmettik jelilerge monıtorıng júrgizý kezinde Túrkistan oblysynyń polıseıleri jas jigittiń dosymen bástesip, kópirden sekirip ketken beınejazbasyn anyqtady.
Oqıǵa 1 sáýirge qaraǵan túni Saıram aýdany Aqsýkent mańyndaǵy Aqsý ózeninde bolǵan. Saıram APB-nyń qyzmetkerleri jastardyń kim ekenin anyqtady.
Jigitterdiń biri vıdeoǵa túsirse, ekinshisi kópirden sekirgen. Olardyń aýyl turǵyndary ekeni belgili boldy. Eki jigit vıdeony aqsha alý úshin emes, ázil úshin, sodan keıin Tik Tok jelisine ornalastyrý maqsatynda túsirgenin aıtty.
Sýǵa sekirgen jigit jaraqattanbaǵan jáne onyń densaýlyǵyna eshqandaı qaýip tónbegen. Olar isterine ókinetinin aıtyp, budan bylaı mundaı asyǵys, ári ómirge qaýip tóndiretin áreketterdi jasamaýǵa ýáde berdi.
Sondaı-aq tártip saqshylary olarǵa profılaktıkalyq túsindirme sharalaryn júrgizdi.