4 sáýirde Batys Qazaqstan oblysynyń Aqsaı qalasynda júk kóligin tizgindegen jasóspirim ákesin qaǵyp óltirdi, dep habarlaıdy Egemen.kz.
Polıseıler naqtylaǵandaı, jergilikti turǵyn óz úıiniń aýlasynda «Gaz-SAZ-35071» avtokóligin jóndep jatqan.
Er adam júk kóliginiń astyna kirip, 2009 jyly týǵan ulyna rólge otyryp, tejegish pedalin basýdy suraǵan.
«Osy kezde redýktory qosylǵan kólik alǵa shyǵyp, er adamdy basyp ketti. Balanyń ákesi aýrýhananyń jansaqtaý bóliminde kóz jumdy», delingen oblystyq PD baspasóz qyzmeti taratqan habarlamada.
Atalǵan fakt QR Qylmystyq kodeksiniń 345-baby, 3-bóligi boıynsha tirkeldi.