Otandyq medısına qyzmetkerleriniń jalaqysy ósýi múmkin. Bul týraly Densaýlyq saqtaý mınıstrligi ázirlegen Úkimet qaýlysynda jazylǵan, dep habarlaıdy Egemen.kz.
Qujatta kórsetilgendeı, endi medısına jáne farmasevtıka qyzmetkerleriniń laýazymdy aılyq mólsheri myna túzetý koeffısıentin qoldana otyryp aıqyndalady:
- Biliktiligi joǵary deńgeıdegi mamandarǵa (A blogynyń basqarýshy personaly, V1, V2 blogynyń negizgi personaly): 2023 jyldyń 1 qańtarynan bastap 3,42 mólsherinde;
- Biliktiligi joǵary jáne orta deńgeıdegi mamandarǵa (V3, V4 blogynyń negizgi personaly): 2023 jyldyń 1 qańtarynan bastap 2,34 mólsherinde túzetý koeffısıentin qoldana otyryp aıqyndalady.
«Joba Memleket basshysynyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn iske asyrý jónindegi jalpyulttyq is-sharalar josparynyń «2023 jylǵa qaraı medısına qyzmetkerleriniń jalaqysy ekonomıkadaǵy ortasha jalaqydan 2 ese joǵary bolady» degen 83-tarmaǵyn oryndaý maqsatynda ázirlendi», delingen Úkimet qaýlysynda.