Jyl basynda «Astana» velokomandasynyń jeıdesin kıgen Ulybrıtanııanyń áıgili veloshabandozy, kóptegen iri halyqaralyq jarystyń jeńimpazy Mark Kavendısh jańa klýbtaǵy ekinshi jeńisine qol jetkizdi.
Belgııanyń Flandrııa aımaǵynda ótken 111 jyldyq tarıhy bar birkúndik «Scheldeprijs» básekesinde Mark Kavendısh máre syzyǵyn úshinshi bolyp kesti. 205,3 shaqyrymǵa jalǵasqan jarys jolyn «Astana» ókili 4 saǵat 25 mınýt 38 sekýnd ishinde júrip ótti. Al bas júlde belgııalyq Djasper Fılıppsenge (ProTeam Alpecin – Deceuninck) buıyrsa, ekinshi oryndy aýstralııalyq Sem Ýelsford (DSM) ılenedi.
Mark Kavendısh buǵan deıin «Scheldeprijs» jarysynda úsh márte (2007, 2008 jáne 2011) jeńimpaz atanyp, tórt márte júldegerler qatarynan kóringen. Sondaı-aq ol osy dodanyń 2021 jylǵy básekesinde de úshinshi orynǵa taban tiregen edi.