Bıylǵy kóktemde QR Qarýly Kúshteriniń qataryn shyǵysqazaqstandyqtar tolyqtyrady.
О́skemendegi Dostyq úıi – qoǵamdyq kelisim ortalyǵynyń konsert zalynda Shyǵys Qazaqstan oblysynda jyl saıyn Qazaqstan Respýblıkasynyń Qarýly Kúshterine, basqa da áskerleri men áskerı quralymdaryna azamattardy merzimdi áskerı qyzmetke shaqyrý kezeńinde «Áskerge shaqyrylǵandar kúni» ótkizildi.
Otan aldyndaǵy boryshyn óteýge Mańǵystaý oblysyndaǵy áskerı bólimde teńiz jaıaý áskeri sapynda Otan aldyndaǵy boryshyn óteıtin sarbazdar úshin «Áskerge shaqyrýshylar kúni»aıasynda qurmet kórsetilip, merekelik konsert ótti. Ondaǵy maqsat – jastardyń Otansúıgishtik qasıetin oıatý, áskerı ómirmen tanystyrý.
Bıylǵy aksııanyń ereksheligi – munda Otan aldyndaǵy boryshyn óteýshiler ǵana emes, sharaǵa О́skemen qalasy jalpy bilim beretin mektepteriniń 10-11 synyptar oqýshylary, joǵary oqý oryndarynyń stýdentteri jáne áskerı-tehnıkalyq kásiptik kolledj stýdenteri, QR áskerı qyzmet ardagerleri, soǵys ardagerleri, Shyǵys Qazaqstan oblysynyń qorǵanys isteri jónindegi departamentiniń ókilderi, sarbazdardyń ata-analary qatysty.
Aıta keteıik jas sarbazdardy arnaıy komıssııa psıhılogııalyq, medısınalyq tekseristen ótkizgennen keıin, olar ásker qataryna alynyp otyr.
«Búgin Otan aldyndaǵy boryshyn óteýge kelgen jigitterdi arnaıy komıssııa tekseredi. Sonyń nátıjesine qaraı olar áskerge jiberiledi. Barlyǵy 700-ge jýyq azamatty ásker qataryna shaqyrý josparlanǵan. Búgingi kúnniń ózinde 5 komanda shaqyryldy. Jáne 10-sáýirge deıin attanatyn 2 komanda bar. Olardyń barlyǵy psıhologııalyq, kásibı jáne medısınalyq tekseristen ótken», dedi ShQO áskerı ister departamentiniń bastyǵy Qaıyrbek Qaıyrhanov.
Sonymen qatar Mańǵystaý oblysyndaǵy Aqtaý qalasyndaǵy №22744 áskerı bólimde teńiz jaıaý áskeri sapynda Otan aldyndaǵy boryshyn óteıtin sarbazdarǵa ShQO ardagerler keńesiniń tóraǵasy Aıtqazy Sherýbaev jastardyń áskerı qyzmettegi alǵashqy qadamdarymen quttyqtap, aq batasyn berdi, tilegin bildirdi.
«Otan aldyndaǵy boryshyn óteýge attanǵaly otyrǵan jigitter antyna adal bolyp, bir jyldan soń otbasyna aman-esen oralýyna tilektespin», dedi Aıtqazy Sherýbaev.
Búgingi sharada patrıotttyq ánder shyrqalyp, áskerge shaqyrylǵandarǵa estelik syılyqtar tabys etildi.
Prezıdent Qasym-Jomart Toqaev aıbyndy ásker - Qazaq eliniń qalqany deı kele «Búginde áskerimiz Táýelsiz Qazaqstannyń berik qalqany retinde jaýyngerlik sheberlik pen asqaq rýhtyń ozyq úlgisin kórsetip keledi», dep aıtqany el esinde.