Aqtóbe oblysynda jol apaty bolyp, eki júrgizýshi qaza tapty, dep habarlaıdy Egemen.kz.
7 sáýir kúni Lada Priora avtokóliginiń 31 jastaǵy júrgizýshisi Jańajol-Sarykól avtojolymen (Sarykól aýylynan 4 km qashyqtyqta) júrip kele jatyp, qarsy qozǵalysqa arnalǵan jolaqqa shyǵyp, 68 jastaǵy júrgizýshiniń basqarýyndaǵy Renault Daster avtokóligimen soqtyǵysty.
Apat saldarynan Lada júrgizýshisi oqıǵa ornynda alǵan jaraqattarynan qaıtys boldy. Ekinshi kóliktiń júrgizýshisi Keńqııaq aýyly aýrýhanasynyń qabyldaý bóliminde kóz jumdy.
Lada-da bolǵan bir jolaýshy men Duster kóligindegi úsh jolaýshy, eki kámeletke tolmaǵan bala Keńqııaq aýylyndaǵy aýrýhanaǵa jatqyzyldy.