Qazaqstandyq aralas jekpe-jek sheberi Shavkat Rahmonov Prezıdent Qasym-Jomart Toqaevpen kezdesýdiń jaı-japsaryn aıtty, dep habarlaıdy Egemen.kz.
Buǵan deıin Memleket basshysy Rahmonovty Aqordada qabyldaǵan edi. Sonymen qatar Shavkat Láılá Sultanqyzyna bergen suhbatynda Prezıdentpen ne jaıly sóıleskenin aıtty.
«Biz bir-birimizdi endi ǵana jaqsy bildik. Men kóp suraq qoıǵan joqpyn, óıtkeni onymen birinshi ret kezdesip otyrmyn. Biz Prezıdentpen UFC-di qazaqstandyq telearnalarda kórsetý múmkindigin talqyladyq. Meniń jekpe-jegim bolsyn, basqa jigitterdiń dodasy bolsyn. Jankúıerler óte uzaq kútti. Biraq bizdiń arnalardan jekpe-jek kórsetilmedi. Translıasııalar bar, biraq olardy árkim satyp ala almaıdy. Teledıdarymyzdan kórsetilse durys bolatynyn aıttyq», dedi Shavkat.
Rahmonov UFC basshysy Dana Ýaıtpen de osyndaı dıalog júrgizgen edi.