Mádenıet jáne sport mınıstri Ashat Oralov Úndistanda ótken álem chempıonatynda júlde alǵan qazaqstandyq boksshylarmen kezdesti, dep habarlaıdy Egemen.kz.
Olardyń arasynda kúmis medal ıegerleri Lázzat Kúngeıbaeva men Karına Ibragımova, sondaı-aq qola júldegerler – Alýa Balqybekova, Nadejda Rıabes, Valentına Halzova jáne Farıza Sholtaı bar.
Sportshylardyń álemdik birinshilikte laıyqty óner kórsetýimen quttyqtap, bokstan áıelder quramasynyń bas bapkeri Shamıl Safıýllınge alǵys hat tabys etti.
Kezdesý barysynda Parıj Olımpıadasyna daıyndyq pen olımpıadalyq lısenzııa alý máselesi talqylandy.
«Boks – Qazaqstandaǵy basty jáne eń tanymal sport túrleriniń biri. Elimiz álemge kóptegen chempıondardy syılaǵandyqtan, qazaqstandyqtar árbir týrnırden altyn medal kútip, boksshylarymyzdyń ónerin jiti qadaǵalaıdy. Áıelder quramasyna aldaǵy jarystarda jarqyn jeńister men tabys tileımin», dep jazdy mınıstr A.Oralov.