Aǵashtardyń qalypty jaǵdaıyn saqtaý jáne zııankesterge tózimdiligin arttyrý maqsatynda 14 sáýirden bastap qalanyń jasyl jelegin bıologııalyq óńdeý bastalady, dep habarlaıdy Egemen.kz.
Zııankesterge óńdeýden keıingi áserdi kúsheıtý úshin bıyldan bastap birinshi kezeńde (vegetasııa basynda) emender tórt ret, terekter eki retten óńdeledi. Buǵan deıin olar bir ret qana óńdeletin. Alaıda óńdeý rettiligi azdyǵynyń tıimsiz ekendigi dáleldendi jáne aǵashtardy saqtap qalýǵa múmkindik bermeıtini anyqtaldy. Bul týraly Almaty ákimdigi habarlady.
Jumys barysynda adamdarǵa qustar men janýarlarǵa zııansyz, klımattyq erekshelikterdi eskere otyryp QR aýmaǵynda qoldanýǵa ruqsat etilgen sertıfıkattalǵan qaýiptiligi tómen klassqa jatatyn (P-4) bıologııalyq jáne keıbir kezderde hımııalyq preparattar qoldanylady.
«Japyraq kemirgish jáne zeń aýrýlaryn qozdyrǵysh zııankesterge qarsy óńdeýde 2,3 mln astam aǵashty qamtý josparlanǵan. Zııankester men aýrýlardyń bıologııalyq erekshelikterine qaraı óńdeý túnde jáne tańǵy ýaqytta júzege asady», delingen Almaty ákimdiginiń habarlamasynda.
Bıyl bıologııalyq óńdeý ádettegideı tórt kezeńde júrgiziledi:
14 sáýirden 20 mamyrǵa deıin; 30 mamyrdan 30 maýsymǵa deıin; 10 shildeden 10 tamyzǵa deıin; 20 tamyzdan 20 qyrkúıekke deıin.