Semeı qalasynyń áleýmettik jelilerine monıtorıng júrgizý barysynda mektep oqýshylary óz qurdastaryna dene jaraqatyn salǵan beınejazba anyqtaldy, dep habarlaıdy Egemen.kz.
Oqıǵa 10 sáýir Semeı qalasynda bolǵan. Osy fakt boıynsha QR QK 293-babymen sotqa deıingi tergeý bastaldy. Janjaldyń barlyq qatysýshylary anyqtalyp, zańdy ókilderimen birge polısııa bólimine jetkizildi. Qazir ata-analardyń, psıhologtardyń qatysýymen tergeý sharalary júrgizilip jatyr.
«Buzaqylyq boıynsha sotaldy tergeý bastaldy. Tóbeleske qatysqan barlyq adam anyqtalyp, zańdy ókilderimen birge olar Polısııa bóliminiń ýaqytsha ustaý ızolıatoryna jetkizildi. Qazir ata-analardyń, psıhologtardyń qatysýymen tergeý sharalary júrgizilip jatyr. Qalǵan málimetter QR Qylmystyq-prosestik kodeksiniń 201-babyna sáıkes tergeý múddesi úshin jarııalanbaıdy», dedi Semeı qalalyq IIB bastyǵynyń orynbasary Jandarbek Ahmetjanov.