Pavlodar oblysynda júk poıyzy 7 jylqyny qaǵyp ketken. Jylqylardyń ıesi anyqtaldy, dep habarlaıdy Egemen.kz Pavlodarnews.kz saıtyna silteme jasap.
Kóliktegi polısııa departamenti usynǵan derekterge qaraǵanda, 16 sáýirde Ekibastuz-1 ótkeliniń 303 shaqyrymynda júk poıyzynyń mashınısi temir jolda jylqylardyń bolýyna baılanysty shuǵyl tejeýdi qoldandy. Poıyz 1 saǵat 33 mınýt boıy toqtap turdy.
«Soqtyǵysýdyń aldyn alý múmkin bolmady. Saldarynan 7 bas jylqyny qaǵyp ketti. Onyń ishinde bir jylqy ólip, 6 jylqy jaraqat aldy», dedi departamentte.
Pavlodar stansııasyndaǵy jelilik polısııa bóliminiń qyzmetkerleri jedel izdestirý is-sharalaryn júrgizý barysynda jylqynyń temirjol boıyna shyǵýyna jol bergen Ekibastuz qalasynyń 41 jastaǵy turǵynyn anyqtady.
Quqyqbuzýshyǵa qatysty QR ÁQBtK-niń 559-babynyń 1-bóligi, ıaǵnı temirjol aýmaǵynda mal jaıý qaǵıdalaryn buzý boıynsha ákimshilik hattama toltyrylyp, 5 AEK mólsherinde aıyppul salyndy.