Tennısten Bıllı Djın Kıng kýbogi aıasyndaǵy komandalyq álem chempıonatynyń irikteý kezeńiniń matchtary óz máresine jetip, fınaldyq kezeńge joldama alǵan barlyq qurama belgili boldy.
Áıelder arasyndaǵy jahan birinshiliginiń fınalyna Elena Rybakına bastaǵan Qazaqstan quramasynan bólek, irikteý kezeńinde úzdik shyqqan taǵy segiz komanda joldama aldy. Olar: Ispanııa, Chehııa, Fransııa, Kanada, AQSh, Italııa, Germanııa jáne Slovenııa.
Osylaısha, irikteý saıystarynan keıin álem chempıonatynyń fınalyna shyqqan toǵyz qurama byltyrǵy Bıllı Djın Kıng kýboginde top jarǵan Shveısarııa, fınalıst Aýstralııa jáne jarysty qabyldaýshy el quramalarynyń qataryn tolyqtyryp, 2023 jylǵy chempıondyqty sarapqa salady.