«El-Klasıko»: «Qaırat» «Astanany» tize búktirdi

Altynshy týrdyń ortalyq oıyny «Astana» men «Qaırat» arasyndaǵy match bolsa da, jankúıerlerdiń nazary Pavlodardaǵy jergilikti «Aqsý» men Petro­pavldyń «Qyzyljar» klýb­tary­nyń oıynyna aýdy. О́ıtkeni Álı Álıev jattyqtyratyn «Qyzyljar» komandasy keıingi bes týrda fýtbol mamandaryn tań­ǵaldyryp, 100 paıyzdyq nátıjemen týrnır kestesinde kósh basynda keledi. Petropavldyń komandasy bul týrda da upaıdan shashaý shyǵarmaı, jaqyn báse­kelesterinen taǵy da alshaqtap ketti. Kezdesýdiń 78-mınýtyna deıin match­tyń esebin asha almaǵan «Qyzyljar» fýtbolshylary aınaldyrǵan tórt mınýt­tyń ishinde qarsylastarynyń qaqpasyna eki gol soǵyp, altynshy jeńi­sine qol jet­kizdi. Bul matchta qonaqtar sapynan Hose Vıtor Rodrıges mergendik tanytsa, Marat Shah­metov ekinshi goldyń avtory atandy.

Al elordada ótken «Astana» men «Qaı­rat» arasyndaǵy «El-Klasıkoda» almatylyq ujymnyń mereıi ústem boldy. Bes myńnan asa jankúıer tamashalaǵan «Astana Arenadaǵy» tartysty matchta «Qaırat» fýtbolshylary alań ıelerinen 3:0 esebimen basym túsip, Astanadan úsh upaı arqalap qaıtty. Kezdesýdiń úshinshi mınýtynda «Qaırattyń» bra­zılııalyq shabýylshysy Joao Paýlo as­tanalyqtardyń qorǵanysyn bu­zyp-jaryp, oıynnyń esebin ashty. Al birinshi taımnyń orta tusynda Ma­rın Tomasovtyń tarazy basyn teńes­tiretin tamasha múmkindigi boldy. Bi-r­aq horvatııalyq surmergen eki metr jerden bos qaqpany kózdeı almaı, óz jankúıerleriniń aldynda uıatqa qaldy. «Sen soqpasań, saǵan soǵady», degendeı ekinshi taımnyń 56-mınýtynda Joao Paýlo dýbldiń avtory atanyp, qonaqtardy 2:0 esebimen alǵa shyǵardy. Matchtyń aıaqtalýyna tórt mınýt qalǵand­a Dmıtrıı Sergeev mergendigimen kózge túsip, oıynnyń núktesin qoıdy – 3:0. Bul – reseılik fýtbolshynyń Qazaqstan chempıonatyndaǵy debıýttik goly bolǵa­nyn aıta ketken jón.

Altynshy týrǵa deıin týrnır keste­sinde 10 upaımen 4-5 oryndardy bóli­sip turǵan «Ordabasy» men «Tobyl» bul týrda jeńis úshin baryn saldy. О́ıt­keni úsh upaıdy oljalaǵan klýbtyń úzdik úshtiktiń qataryna qosylatyny belgili edi. Sondyqtan eki ujymnyń fýt­bolshylary match barysynda aıanyp qal­ǵan joq. Komandalar birinshi taımda bir-bir goldan soǵyp, úziliske teń eseppen attandy. Matchtyń esebin alań ıelerinen Ashat Taǵybergen aıyp dobynan ashqan bolsa, «Tobyl» sapynan Serj Deble mer­gendik tanytty.

Úzilisten keıin qarqynyn arttyrǵan «Or­dabasy» «Tobyl» qaqpasyna jaýap­syz úsh gol soqty. 72-mınýtta Bobır Abdı­holıkov shymkenttikterdi esepte alǵa shyǵarsa, arada tórt mınýt ótkende Ser­geı Malyı «Ordabasynyń» úshinshi golyn soqty. Al 85-mınýtta Vsevolod Sadov­skıı kezdesýdiń núktesin qoıdy – 4:1. Osylaısha, mańyzdy úsh upaıyna qol jetkizgen «Ordabasy» týrnır kestesinde úshinshi orynǵa kóterilip aldy.

Týrdaǵy aıta ketetin bir jańalyq – kósh sońyndaǵy «Kaspıı» bıylǵy maý­symdaǵy alǵashqy jeńisin toılady. Aqt­aýdyń komandasy «Oqjetpesti» 2:1 ese­bimen tize búktirgenine qaramastan, bu­rynǵysha eń sońǵy orynda keledi. Al qal­ǵan oıyndardyń nátıjesi mynadaı: «Aq­tóbe» – «Atyraý» – 4:0, «Jetisý» – «Qaı­sar» – 0:2, «Shahter» – «Maqtaaral» – 3:0.

22-23 sáýirge (senbi, jeksenbi) jos­parlanǵan VII týrda «Tobyl» – «Aq­tóbe», «Qaırat» – «Ordabasy», «Qaısar» – «As­tana», «Maqtaaral» – «Jetisý», «Oqjet­pes» – «Shahter», «Qyzyljar» – «Kaspıı» jáne «Atyraý» – «Aqsý» komandalary kezdesedi.