Birinshi lıga komandalary arasynda el chempıonatynyń 3-týrynda Oraldyń «Aqjaıyǵy» Almatynyń «Han Táńiri» komandasyn qabyldady, dep habarlaıdy Egemen.kz QazAqparat agenttigine silteme jasap.
Birinshi taımnyń 13-mınýtynda «Han Táńiri» komandasynyń oıynshysy Marlen Aımanov esep ashsa, 20 mınýttan keıin «Aqjaıyq» fýtbolshysy Roman Chırkov tarazy basyn teńestirdi.
Ekinshi kezeńde «Aqjaıyqtan» Zaven Badoıan esepti 2:1-ge jetkizdi. Al matchtyń 87-mınýtynda R.Chırkov matchtyń núktesin qoıdy.
Oǵan qosa, búgin Semeıdiń «Elimaı» komandasy syrt alańda «Jas Qyrandy» 2:0 esebimen tize búktirdi. Bul oıynda Altynbek Saparov pen Maksım Jıtnev shıraq boldy.
Úsh týrdan keıin 7 upaı jınaǵan «Elimaı», «Qaırat-Jastar» jáne «Aqjaıyq» komandalary alǵashqy úshtikte keledi.