Qasym-Jomart Toqaev Qazaqstan halqy Assambleıasy Tóraǵasynyń jańadan taǵaıyndalǵan orynbasarlary Akbarjon Ismaılov pen Aýrıka Dıakty quttyqtap, olardyń mol tájirıbesi jańa jaýapty qyzmetti atqarýǵa septigin tıgizetinine senim bildirdi, dep habarlaıdy Egemen.kz Aqorda baspasóz qyzmetine silteme jasap.
Prezıdentke QHA Tóraǵasynyń orynbasary – Hatshylyq meńgerýshisi Marat Ázilhanov Assambleıanyń aldaǵy XXXII sessııasyna daıyndyq barysy jóninde esep berdi.
Qasym-Jomart Toqaev birlik pen turaqtylyq qoǵam ómiriniń barlyq salasynda júrgizilip jatqan keshendi reformalardyń tabysty bolýynyń basty sharty ekenin atap ótti. Memleket basshysynyń aıtýynsha, Assambleıa bul mindetti júzege asyrýda aıryqsha ról atqarady.
Prezıdent barlyq etnıkalyq top ókilderi arasynda ózara túsinistikti nyǵaıtý jáne Qazaqstan halqyn odan ári uıystyrý úshin jańa tásilder men jasalatyn naqty qadamdardyń mańyzdy ekenine nazar aýdardy.
Prezıdent QHA jumysynyń mańyzdy baǵyttaryn atap ótti. Sondaı-aq Assambleıanyń aldaǵy sessııasynda ıdeologııalyq jáne praktıkalyq sıpattaǵy birqatar mańyzdy másele kóteriletinin aıtty.