Áıelder kúresinen Qazaqstan quramasy Pıreneı túbeginiń La-Nýsııa qalasynda uıymdastyrylǵan 17, 20 jáne 23 jasqa deıingi «Jovenes Promesas» halyqaralyq týrnırinde on medal jeńip aldy.
Sportty damytý dıreksııasynyń málimeti boıynsha, Qýanysh Jaqsybaı baptaıtyn elimizdiń qyzdar quramasy atalǵan dodada el qorjynyna 8 altyn men 2 kúmis medal saldy. Bas júldeni Ellada Mahıaddınova (50 kg), Aıajan Markasheva (53 kg), Aınur Áshimova (55 kg), Nılýfar Raımova (57 kg), Gúldana Bekesh (59 kg), Tynys Dýbek (62 kg), Albına Qaıyrgeldınova (65 kg) jáne Anastasııa Panasovıch (72 kg) oljalasa, kúmis medaldy Irına Kýznesova (62 kg) men Ińkár Janataeva (76 kg) jeńip aldy.
Osylaısha, jerlesterimiz 10 júldemen jalpykomandalyq esepte 2-orynǵa ıe boldy.