Oralda qoqys jáshiginen tabylǵan náresteniń jaǵdaıy aıtyldy

Dárigerlerdiń aıtýynsha, náresteniń jaǵdaıy ıntoksıkasııa (ýlaný), gıpotermııa (sýyq tııý) jáne gıpoglıkemııa (qandaǵy glıýkoza konsentrasııasynyń tómendeýi) belgilerine baılanysty ortasha aýyrlyqta. Qazir náreste oblystyq kópsalaly balalar aýrýhanasynda jatyr. «Balanyń salmaǵy - 2990 gramm, boıy - 52 sm. Mıdyń KT-sy boıynsha gıpoksııa belgileri bar. Bul júktilik nemese bosaný kezinde balaǵa ottegi jetkiliksiz bolǵanyn bildiredi. Kardıolog júregin ÝDZ-ǵa túsirgende 0,2 sm ashyq sopaq tereze dıagnozyn qoıdy. Ishki múshelerdiń ÝDZ-y baýyr parenhımasynyń ortasha ózgerisi bar ekenin kórsetti», delingen oblystyq densaýlyq saqtaý basqarmasynyń baspasóz qyzmeti taratqan habarlamada. Dárigerlerdiń aıtýynsha, náreste aýrýhanaǵa jetkizilgenge deıin 7-8 saǵat buryn týǵan.