Baıqaýdyń bıylǵy basty taqyryptary kelesideı:
• Qazaqstan ekonomıkasynyń, kompanııalarynyń, mamandarynyń damýy;
• Importty almastyrý, ınnovasııalyq tehnologııany qoldaný;
• Qazaqstan Parlamenti Májilisi men Máslıhaty depýtattarynyń saılaýy;
• Ǵylymdaǵy, zańnamalardaǵy, ekologııadaǵy, densaýlyq saqtaý salasyndaǵy, bilim men mádenıettegi jańalyqtar men máseleler;
• Tabıǵı apattar kezindegi Qazaqstan azamattarynyń kómegi, kúndelikti ómirdegi qaıyrymdylyq jáne ózara kómek:
• Sport jáne salaýatty ómir salty;
• Jas daryndar: túrli saladaǵy talantty jastar, jasóspirimder, balalar týraly materıaldar.
Dástúrli túrde baıqaýǵa qatysýshylardyń taqyryby da, formasy men janrlary da ár túrli bolady. Baıqaýǵa 2022 jyldyń 1 maýsymynan bastap 2023 jyldyń 1 maýsymyna deıin jarııalanǵan materıaldar, fotosýretter, radıo-beınesıýjetter qabyldanady. Baıqaýǵa jiberilgen materıaldar sany 5-ten kóp bolmaýy kerek.
Materıaldar 2023 jyldyń 10 maýsymyna deıin qabyldanady.
Materıaldar men anketalyq málimetterdi union-press@kazmedia.kz pochtasyna materıaldarǵa silteme kórsete otyryp, tek elektrondy túrde joldaý kerek. Saýalnamada jumys orny, qyzmeti, meken-jaıy, telefony jáne materıaldarynyń qandaı basylymdarda jarııalanǵanyn kórsetý qajet.
Baıqaý qorytyndysy 20 maýsymda shyǵady, al 2023 jyldyń 28 maýsymynda Almatyda marapattaý rásimi ótedi.
Baıqaý týraly qosymsha aqparat Jýrnalıster odaǵynyń Facebook paraqshasynda jarııalanady.