Qazaqstandaǵy Halyqqa qyzmet kórsetý ortalyqtary men Arnaýly halyqqa qyzmet kórsetý ortalyqtarynyń mereke kúnderindegi jumys kestesi jarııalandy, dep habarlaıdy Egemen.kz.
Mamyr aıynda qazaqstandyqtar myna kúnderi demalady: 1 mamyr – Qazaqstan halqynyń birligi kúni, 7 mamyr – Otan qorǵaýshylar kúni jáne 9 mamyr – Jeńis kúni.
«Azamattarǵa arnalǵan úkimet» memlekettik korporasııasy mereke kúnderine baılanysty Qazaqstannyń Halyqqa qyzmet kórsetý ortalyqtary men Arnaıy halyqqa qyzmet kórsetý ortalyqtary 1, 8 jáne 9 mamyrda jumys istemeıtinin habarlady.
6 mamyr, senbi kúni kezekshi halyqqa qyzmet kórsetý ortalyqtary men arnaıy halyqqa qyzmet kórsetý ortalyqtarynyń qyzmetkerleri ǵana jumysqa shyǵady.
«Bul kúni azamattarǵa saǵat 13:00-ge deıin qyzmet kórsetiledi. 10 mamyrdaǵy mereke kúnderinen keıin barlyq halyqqa qyzmet kórsetý ortalyǵy ádettegi keste boıynsha jumysyn jalǵastyrady», delingen habarlamada.
Qalypty kúnderi halyqqa qyzmet kórsetý ortalyqtary myna ýaqytta jumys isteıdi:
jumys kúnderi – saǵat 9:00-den 18:00-ge deıin, kezekshilik: jumys kúnderi – 9:00-den 20:00-ge deıin, senbi kúni - 9:00-den 13:00-ge deıin.