Qazaqstan musylmandary Dinı basqarmasynyń tóraǵasy Naýryzbaı qajy Taǵanuly Qaraǵandy oblysyna barǵan saparynda «Ánet baba» meshitinde 10 jylǵa jýyq qyzmet etken Qurmanǵazy Dúısenbekulyna páter kiltin tabystady, dep habarlaıdy Egemen.kz.
«Rasynda meshitte qyzmet etý - uly is. Alla Taǵala meshitte qyzmet etken árbir kúnińizge mol saýaptan jazǵaı. Úıińizdiń ishi janǵa, syrty malǵa tolsyn. Jaratqan januıańyzǵa jar bolsyn» dedi Bas múftı.
Bul QMDB «Zeket jáne qaıyrymdylyq» qorynyń uıymdastyrýymen, jomart jandardyń kómegimen «El úlesi - páterge» aksııasy aıasynda berilgen 660-shy baspana boldy.