Búgin elordada «Jasyl Astana» ekologııalyq aılyq aıasynda jalpyqalalyq senbilik ótip jatyr, dep habarlaıdy Egemen.kz.
Búgin qalalyq uıymdar men kásiporyndardyń ujymdary óz aýmaǵynda aǵash otyrǵyzyp, qoqys jınaıdy, sondaı-aq sý aıdyndary mańyn tazartady.
Eske sala keteıik, ekologııalyq aılyq 8 sáýir kúni alǵashqy kóktemgi kommýnaldyq senbilikte ashylǵan. Eńbek ujymdarynyń, qala turǵyndarynyń kúshimen polıgonǵa 555,58 tonna qaldyq shyǵaryldy. Jalpy aýdany 2,5 mln sharshy metrden asatyn saıabaqtar men skverlerdi jınaý, aǵash otyrǵyzý júrgizildi. Is-sharaǵa aýdandyq ákimdikter, kommýnaldyq qyzmetter, PIK jáne MIB ujymdary, shaǵyn jáne orta bıznes sýbektileri belsendi qatysty.
«Jasyl Astana» dástúrli ekologııalyq aılyǵy 6 mamyrǵa deıin jalǵasady. Onyń aıasynda Astanada qalalyq qyzmetterdi, eńbek ujymdaryn jáne qalanyń belsendi turǵyndaryn jumyldyra otyryp, birneshe kommýnaldyq jáne jalpyqalalyq senbilik ótkiziledi.