«Qazgıdromet» RMK sınoptıkteri 3 mamyrǵa arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń boljaýynsha, respýblıkanyń basym bóligine jaýyn-shashynsyz aýa raıy saqtalady.
«Qazaqstannyń batysynda, ońtústik-batysynda naızaǵaı oınap, burshaq jaýady, keı jerlerde qatty jańbyr jaýady, ońtústik-shyǵys pen shyǵysta jaýyn-shashyn (jańbyr, qar) bolady», dedi sınoptıkter.
Respýblıka boıynsha jeldiń kúsheıýi, ońtústikte, ońtústik-shyǵysta, batysta shańdy daýyl, soltústikte, soltústik-shyǵysta tuman kútiledi.
Túnde Almaty oblysynyń taýly aımaqtarynda, ortalyqta, Jetisý oblysynyń taýly aımaqtarynda, soltústikte, Qostanaı oblysynyń ońtústik-shyǵysynda, Ulytaý oblysynyń shyǵysynda, Jambyl oblysynyń taýly aımaqtarynda 1-7 gradýs aıaz kútiledi.
Astanada kóshpeli bult shyǵady, jaýyn-shashynsyz aýa raıy saqtalady. Shyǵystan soǵatyn jeldiń ekpini - 3-8 m/s. Aýa temperatýrasy túnde -3-5°S, kúndiz +12+14°S.
Almatyda kóshpeli bult shyǵady, jaýyn-shashynsyz aýa raıy saqtalady. Jel ekpini - 0-5 m/s. Aýa temperatýrasy túnde +3+5°S, kúndiz +12+14°S.
Shymkentte de kóshpeli bult shyǵady, kún jaýyn-shashynsyz ótedi. Shyǵystan soǵatyn jeldiń ekpini - 15-20 m/s, kúndiz 23 m/s. Aýa temperatýrasy túnde +10+12°S, kúndiz +24+26°S.