15 mamyrdan bastap «Almaty jastary» turǵyn úı baǵdarlamasyna qujat qabyldana bastaıdy О́tinimder 31 mamyrǵa deıin qabyldanady, dep habarlaıdy Egemen.kz Almaty qalasynyń ákimdigine silteme jasap.
Barlyq ótinishter www.almaty-zhastary.kz saıtynda qabyldanady. Aıta ketsek, kórsetilgen saıtqa kirý úshin elektrondyq sıfrlik qoltańba (ESQ) qoldanylýy qajet.
Nesıe berý sharttary:
Zaımnyń eń joǵary somasy– 18 mln teńgege deıin; paıyzdyq mólsherleme – 5%; bastapqy jarna – 10%; bastapqy jáne qaıtalama turǵyn úı satyp alý múmkindigi; qamtý– 1 100 adamnan kem emes.Úmitkerlerge qoıylatyn negizgi talaptar:
Qatysýshynyń jasy - 35 jasqa deıin (35 jasqa tolǵandardy qosa alǵanda). Baǵdarlamaǵa negizgi qatysýshy retinde erli-zaıyptylardyń bireýi ǵana qatysa alady; Úmitkerde jáne onyń otbasy múshelerinde menshik quqyǵynda turǵyn úıdiń, sondaı-aq Qazaqstan Respýblıkasynyń aýmaǵynda sońǵy 5 jyl ishinde turǵyn úı jaǵdaıynyń ádeıi nasharlaýy faktileriniń bolmaýy; Qatysýshynyń Almaty qalasynda kelesi sanattar boıynsha mindetti zeınetaqy aýdarymdarymen kem degende sońǵy 6 aı ishinde resmı jumys ótiliniń bolýy: densaýlyq saqtaý, bilim berý, mádenıet, sport, JOO-lar jáne ǴZI, jýrnalıster, áleýmettik sala, quqyq qorǵaý organdary jáne qalalyq kommýnaldyq qyzmetteri.Tolyq aqparat www.almaty-zhastary.kz saıtynda ornalastyrylǵan.
Anyqtama telefony: +7 (727) 225 14 57 (Almaty qalasy kommýnaldyq ınfraqurylymdy damytý basqarmasy).
Ákimdiktiń habarlaýynsha, atalmysh baǵdarlama aıasynda jas muǵalimder men dárigerler úshin qosymsha qarjy bólindi, sondaı-aq lımıt 100 zaımǵa ulǵaıtyldy: muǵalimderge – 50, dárigerlerge – 50.